Kerala nung ano nisung ka dak Monkeypox putetogo

New Delhi, September 27 (Agencies): Hokolbarnü Kerala nung ano nisung ka dak Monkeypox putetogo; Ernakulam district nung alir ka dak tang Monkeypox putetba densemabo tang tashi nung state nung nisung ana dak iba tashidak puteter.

Tang iba nisungbaji hospital ka nung treatment agidar.

Tang tashi nungbo mpox virus strain ji mejangjar.

September 18 nü mezüng Kerala kübok Malappuram nung tebur ka dak Monkeypox puteta liasü; tawa pa UAE nungi Kerala-i meyipa aruba sülen pa dak iba tashidak puteta liasü.

Brihostibarnü Union Health Ministry-i states aser union territories ajak dang mpox tashidak prokba nokdangtsü atema mera agia inyaktsü aser mita alitsü metetdakja liasü.

September 26 nü Union Health Department-i states aser union territories ajak dang mpox agi shirangba temaitsü lira parnok amaji tangar den pilar ayutsü aser iba tashidak prokba nokdangtsü atema mera takang agia inyaktsü metetdaktsü.

Health Secretary, Apurva Chandra-i linük nung mpox prokba nokdangtsü atema public health dak sendakba tetuyuba balala benshitsü atema metetdaktsü.