Germany-i India nunger 90,000 nem skilled labour visas agütsütsü

New Delhi, October 25, 2024 (Agencies): Germany-i kümshia India nunger nem skilled labour visas aser work permits agüja aruba teimba akümba metetdaktsüogo.

Germany-i iba mera agiba pelashishia agizüker aser iba ajanga Germany renlokba nung teyari tulu alitsü ta Prime Minister Narendra Modi-i ashi.

Hokolbarnü PM Modi-i Chancellor Olaf Scholz jaoka senden ka amen. Scholz-i tang agi tasembuba India semdangi arua lir.

Scholz’er sokrari kümshia skilled Indian workers 20,000 nem visas agüja aruba 90,000 akümtsü lemtetogo, ta PM Modi-i osangbener dang ashi.

2022 nung India aser Germany tsüngda migration agreement ka nung sign sütep aser iba ya mapa inyakertem aser kaketshirtem asoshi liasü.

Germany-isa visa application process tezübaba kümdaktsütsü aser Germany nung Indian professional qualifications ajitetba inyakyim tajungba akümtsü nangzükogo.

Germany nung industries balala nung mapa tazüng lakh 5.7 tema lir ta German Economic Institute-i metetdaktsüogo.

Iba visa policy tasenba ajanga bendangertem mapa tazüngtem nung anioktsü mera ka agiba ama sayur.