Nagaland ajungalen lokti nübodoka merükmejuogo

Dimapur, October 25, 2024 (TYO): Nagaland state sorkari tuyuba ama October 25, 2024 nü district ajak nung lokti nübodoka merükmeju mapa inyakogo.

Hornbill Festival tenzüker taküm küm 25 ajungba benjungmong dak rangloker Cabinet senden ka nung iba lemtet agia liasü.

Tanü Dimapur nung District Administration, sorkar mapa inyakertem, Dimapur Municipal Council (DMC), East Dimapur Town Council (EDTC), Dimapur Urban Council Chairmen Federation (DUCCF), colony & ward chairmen, village council, school & college kaketshirtem, NGOs aser CSOs aikati iba mapa nung shilem agia liasü.

Dimapur Deputy Commissioner Dr. Tinojongshi Chang-i Heads of Departments (HODs), DMC & EDTC councilors, colony chairmen, village council lennirtem, rejutem aser shishilembartem dang tsüngsang mejungaka iba mapa nung shilem agiba atema pelaba metetdaktsü.

Tanü mapa inyakdang Additional Deputy Commissioner (NCS) Zakabo V. Rotokha-i East Dimapur Town Council, Chief Executive Officer Thungchanbemo Tungoe o Revenue Officer Vineikho Tetso nati DMC aser Yanthungbemo Kikon, SDO (C) o Litsenthung Kikon, EAC, Dimapur nati Dimapur Sadar ketdangsüa repranga liasü.