Sonu Sood-i Jackie Chan den aroki Kung Fu Yoga nung shilem agitsü

Mumbai, October 01 (Agencies): India nunger actor, Sonu Sood-i martial arts actor mongin, Jackie Chan den aroki Hollywood nung yanglutsü renemba Kung Fu Yoga film nung shilem agitsü sentong renemba osang angazükogo.

Stanley Tong-i direct asütsü renemba action film, Kung Fu Yoga ya Dubai, Beijing aser India nunger nung tangoka yanglutsü sentong renema lir.

“Ozü medemer tajung, Sonu Sood-i Jackie Chan den aroki film nung shilem agitsü osang angazüka ni kanga pelar,” ta Sonu-i tongti shilem agiba Happy New Year film direct asüla, Farah Khan-ia Twitter ajanga metetdaktsüogo.

Tamil film, Kallazhagar nung mezüng shilem agisang, Sonu-i Bhagat Singh ama 2002 küm sayaba Shaheed-E-Azam film nung mezüngsüa shilem agia Bollywood nung tetsüng ajemok.

Gabbar Is Back film nung tongti shilem agisang, Sonu-i Abhishek Bachchan tenu ama 2004 küm sayaba Yuva film aser 2005 küm sayaba Aashiq Banaya Aapne film na nung shilem agiba sülen alimai pa meteta aküm.