Buyers & Sellers Meet 2024 ayonga agiogo

Dimapur, December 6, 2024 (TYO): December 6, 2024 nü Bamboo Hall, Kisama nung Department of Industries & Commerce-i Buyers & Sellers Meet 2024 ayongzüka agiogo.

Iba sentong ya shishilembatsü atema tesentaktep yanglutsü aser Nagaland nung local buyers & sellers sendakteptsü nükjidong nung agi.

Iba sentong nung Industries & Commerce Advisor, Hekani Jakhalu-i tetushi süa jaoker ka o jembidang Nagaland nung entrepreneur wadang renloktsü atema ibala mesükba sentongtem inyaktsü ashi.

Nagaland ya lanur state ka lir aser entrepreneurship aser business tang ang ainer. Ajisüaka tanü nisungtemi start-up sobaliba kanga inyakdar, ta Hekani-i ashi.

“Nagaland nung market ano meinlok aser temerük lir anungji iba ama mapang ka nung shishilembatsü tenzükba nung tajangzük keta lir. Nagaland sorkari entrepreneur wadang nung buyers aser sellers maneni yaritsü. Iba sentong nung tesentaktep yangluba ajanga state atema dang masü saka linük rongsenketzüng nung shilem agitsü” ta laisa ashi.

Sentong nung Industries & Commerce Secretary, Shanavas C, IAS-i Raising and Accelerating MSME Performance (RAMP) maparen indang lemsatep.

“RAMP ya India sorkar sentong ka lir aser iba kübok buyers & sellers meet ya ayongzüka agir. Nagaland nung tayongzükba aika lir saka item tayongzükba ya maongka ama züngshitsü ayongzüker” ta Shanavas-i ashi.

Nagaland nung tashi tongtipang kaji sempet aketba lanurtem lir. Naga nunger lanurtemi mapa meranga inyaker aser teka mapa kanga tajung lir, ta paisa ashi.

Nagaland nung handloom, handicrafts, aser food products wadangtem asoshi lenmang tesadem lir anungji nisungtemi item maongka agitsüla, ta Industries & Commerce Director, P. Tokugha Sema-i ashi.

Buyers & Sellers Meet 2024 nungsa Business-to-Business (B2B) meeting aser feedback session ka liasü.