Tuensang: Tain sensotem atema International Day anogomung amung

Dimapur, October 01 (TYO): Tain sensotem atema International Day anogomung sentong ka Ao Church Tuensang (ACT) nung tanü Brehostibar nü ayonga kaogo.
Social welfare department nungi teyari agia UTELU teloki ‘Sustainability & age inclusive in the urban development’ omen nung ajemdaker ayongba sentong nung Tuensang Deputy Commissioner, Alemjongshi tongti tesemdanger liasü.
Tanü sentong anir, ACT-i tanü sentong nung shilem agir arishi küm 60 ser tema tain nisungtem nem sempet agütsüba den külemi, tambutiba aser tantsütila shimteta tena nem sempet balaka agüja liasü.
“Alima ajungai tain nisungtem nem akhüm agütsütsü anogo tetemsü ka tanü ya lir. Tain akümbaji masü saka tain nisungtem dak shisatsü aser tangatetba tajung alibaji kanga tongtibang. Ano, nisungbo tashi akümtsü akok saka mapang süiba ama, tain nisungtem indang shisatsüji tajungba akümer aser alima lenitsü asoshi tain nisungtem nüngdaker,” ta tongti tesemdanger-i metetdaktsü.
Tanü sentong nung Eastern Naga Women’s Organisation (ENWO) Tir aser All Sector Union nung Tir natia onük jembia liasü.