Dimapur nung mejangjaba tasümang ka nguteta lir

Dimapur, Metsüremi/March 15 (TYO): March 15 nü NF Railway Dimapur Station Manager-i, Rangapahar tsütsülen km 253/7-8 nung nisung ka train agi menüngseter aliba indang tezülung nung osang agüja liasü.

Osang agizükba sülen Officer along den duty party iba tesemi aritepa ao aser arishi küm 40 nungi 45 tsüngda asütsü ta bilemba non-local tebur ka tasümang Rail Track temalen nguteta liasü. Pa ya train agi tsüktok asütsü ta temulung melemi bilemer. Temzüng ozüng dak ajemdaker tinyaktsü maparen ajak tembanga inyakba sülen tasümang ya PM examination aser identification atema District Hospital Morgue-i benerogo.

Asüsang yagi blue track pant, blue sweater den yellow t-shirt aser white sneaker semer liasü. Pa sentsü tanak liasü. Ken o dak sendakba nung asüsanger kinunger aser medemertem dang Officer-inCharge, Govt. Railway Police Station, Dimapur. (Mobile No. 7085055021) den tongteprateptsü mepeshia metetdaktsüogo.