Congress-i Manipur atema senden amen

Guwahati, June 5, 2025 (Agencies): Congress President Mallikarjun Kharge aser Leader of Opposition Lok Sabha Rahul Gandhi nati Manipur nungi Congress lennirtem den tongtipang senden ka menogo.

AICC headquarters, Indira Bhavan nung amenba senden nung Congress General Secretary (Organisation) K.C. Venugopal aden.

“Manipur nung tesüiba küm ana tashi civil war ajanga timtem arur. Tekaratiba nung tensa süngjemtsü atema yimtenren telemtetba ka nüngdaker” ta K.C. Venugopal-i metetdaktsü.

Iba senden nung Manipur atema party in-charge Saptagiri Ulaka aser PCC president Keisham Meghachandra Singh na den tongtipang lennirtem aden.

Congress-i Prime Minister Narendra Modi dang Manipur semdangtsü aser timtem ajurua aliba nübortem den ajurutepa sensaksemtsü nenshia arur.

Manipur nung May 2023 nungi Meitei aser Kuki nunger tsüngda mepetmesü adoker rarayonga arur aser tang tashi nung nisung 200 tema taküm samaogo.