Jun 10 nü Miss Universe Nagaland 2025 agitsü

Kohima, June 5, 2-25 (TYO): June 10, 2025 nü Miss Universe Nagaland 2025 alitsü ta Beauty and Aesthetic Society of Nagaland (BASN)-i metetdaktsüogo.

Iba sentong ya Regional Centre of Excellence for Music & Performing Arts (RCEMPA), Jotsoma, Kohima nung nikongdang 5:30 ako nungi tenzüktsü.

Miss Universe Nagaland 2025 grand finale atema tetokteper 15 lir. Parnok ya Miss Nagaland 2024, Anon Konyak, Kelülü Dawhuo,  Linokali Achumi, Menangnula Longchari, Teilih Konyak, Christine Tsela, Suruhukali Aomi, Kikile Pame, Susana Kinghen, Easter Ngullie, Lovikali Swu, Gwasinle Keppen, Susmita Khersa aser Yanbeni Ezung nunger lir.

Taküm finale nung Miss Universe India 2024 Rhea Singha-i guest judge ama shilem agitsü.

Miss Universe Nagaland 2025 nung takok korang anguri taküm Miss Universe India 2025 competition nung shilem agitsü.

May 17, 2025 nü Westside, Aramile, Dimapur nung audition process agidang 14-finalists shimteta liasü.

Iba audition ya arishi küm 18 aser temapur ajak atema lapokja liasü aser dress code ka agütsü.

Miss Universe Nagaland 2025 atema ticketsji Rs 1000 aser Rs 2000 lir aser Symphony Café, D Café, o The Mirage nung angutsü. Maneni tetoktepba anogo nunga tickets angutsü ta BASN president Mele Pucho aser ketdangsürtemi ashi.