Nagaland tesem balala nung World Environment Day 2025 mungogo

Khensa Village Council aser yimdaklirtemi World Environment Day 2025 nung shilem agidang tangokba noksa ka angur.

Dimapur, June 5, 2025 (TYO): Tanü Nagaland kübok tesem balala nung World Environment Day 2025 sentong balala ayongzüka agiogo.

Department of Planning & Transformation kübok Sustainable Development Goals Coordination Centre (SDGCC) ajanga Rüzhükhrie Government Higher Secondary School (RGHSS), Kohima den yaritepa plogging drive ka ayonga agi.

Iba mapa ya High School Junction nungi school campus tashi agi aser SDG Youth Ambassadors, Eco Club members, NSS volunteers, NSS Programme Officer aser RGHSS tesayurtemi shilem agia liasü.

“Plogging ta asüba ya jogging aser jana shitenba dang ajar. Iba ya temang anema ayuba inyakyim ka dang masü saka mapa tila süaka külemi inyakra temelenshi tulu bener arua inyakteter ta sayur” ta Deputy Development Commissioner Heinswading-i ashi.

Dimapur Municipal Council (DMC)-ia “Ending Plastic Pollution” omen nung ajemdaker Clock Tower Dimapur nung sentong ka tenzük.

Iba sentong nung MLA & Labour & Employment, Skill Development & Entrepreneurship and Excise Department Advisor Moatoshi Longkumer-i alakteta jaoker ka ama shilem agia liasü.

“Dimapur nung plastic mashii amshiba ajanga tarutsü nung lendong bentsür arutsüsa kümogo. Dimapur garbage system nung plastics ajanga timtemer. Asenoki plastic mamshitsü tabo ashir saka anogoshia plastic amshir, iba ya asenoki koktettsüla” ta pai ashi.

Advisor Moatoshi-i nübortem dang Dimapur ya plastic-free zone kümdaktsütsü atema yariteptsü ayongzük.

Paisa civil society bodies, lanurtem aser lokti tanishirtem dang change-makers asütsü aser jembiba ama inyaka sayutsü ayongzüka liasü.

DMC Chairperson Hukheto Yepthomi-i tesentepertem pelaa agizükdang Dimapur nung plastic jana ajemtsü aser sustainable practices ajungkettsü indang ashi.

Dimapur nungsa Nagaland Pollution Control Board-i Team Better Dimapur aser District Administration, Dimapur Municipal Council (DMC), o Commissioner of Police den yaritepa World Environment Day sentong balaka ayongzüka agi.

“Beat Plastic Pollution – Pollution Free Dimapur” omen nung ajemdaker sentong ya Town Hall nungi tenzük, Clock Tower Circle nung adentsü aser tatemsa State Stadium nung tembang.

Iba sentong nung school aser college nungi kaketshirtemi shilem agi aser parnoki State Stadium tashi jaja.

State Stadium nung agiba sentong nung Team Better Dimapur President Mhonjan Humtsoe-i plastic pollution anema longjemer inyaktsü ayongzük.

Paisa multilayer plastic (MLP) ajanga teraksa bentsür aruba indang lemsatep aser Dimapur Municipal Council ajanga waste management inyakba nung yariteptsü atema school o college tem nung waste segregation shitak inyaktsü ayongzük.

Team Better Dimapur-i DMC aser Earth Alliance den yaritepa shisaliok rejutem nungi MLPs bendentsü aser cement factories nung timi raksaa endoktsü atema agütsütsü tebilemba lir ta Humtsoe-isa ashi.

Chümoukedima nunga district administration-i Chumoukedima Forest Range, Dimapur Forest Division den yaritepa DC office complex nung World Environment Day sentong ka agi.

Iba sentong nung Administration/ officers & staff under DC office and officers and staff from Treasury, Passport Seva Kendra, Veterinary office, District Land Records and survey, District Education, Forest department aser 1st NAP nungi ketdangsür aser staff temi süngdong atemba nung yaritepa liasü.