Nagaland Olympic Association-i ayongzüka “Olympic Day” amungtsü

Dimapur, Aami/June 5 (TYO): Nagaland Olympic Association (NOA)-i sangdong ka ajanga June 23 nü IG Stadium, Kohima nung Olympic Day amungtsü sentong yanglur aliba metetdaktsüogo. Iba sentong ya “Together for a Better World” omen nung ajemdaker agitsü.

Iba anogo tanur arishi küm 8 nungi 12 tsüngda alirtem atema track races balala ayongzüka lir aser senpet ajak senteper sen lakh 1 dak tema agütsütsü:

Asayatem yamai alitsü:

o   50 meters – Tebur & Tetsür (22/06/2015 – 22/06/2016 tsüngda asortem)

o   80 meters – Tebur & Tetsür (22/06/2014 – 22/06/2015 tsüngda asortem)

o   80 meters – Tebur & Tetsür (22/06/2013 – 22/06/2014 tsüngda asortem)

o   100 meters – Tebur & Tetsür (22/06/2012 – 22/06/2013 tsüngda asortem)

Asayamung nung shilem agitsüpurtem June 23 nü anepdang 8:00 ako nungbo IG Stadium, Kohima tonga arutsü metetdaktsüogo.

Asayamung nung shilem agitsü atema tenüng züngoksem tenzükogo aser tatembangbuba anogoji June 17 asütsü.

Shilem agitsüpur temi online ajanga agüja aliba link nung QR code scan süa züngoksemtettsü, mesüra Nagaland Olympic Association official social media handle tem ajanga züngoksemtettsü.

Shilem agitsüpurtemisa offline form atema Kohima nung Nagaland Olympic Association office semdangtettsü.

Osang tejangjaba agitsü atema iba number; 9362355375 nung tongteprateptsü metetdaktsüogo.

Kasa mapang nung tsürapurtem danga temsüa alirtem iba asayamung nung shilem agitsü atema ajungshitsü ayongzükogo.

Temang arakzüa inyaksangshitsü, teamwork ajungkettsü aser Olympic tanüla ajungkettsü atema ajungshitsü nükjidong nung Olympic Day ya ayongzüka amunger.