Scholarship indang metetdaktsü

Dimapur, Chiteni/July 6 (TYO): ST kaketshirtem atema CSS-Post Matric Scholarship guidelines yanglushir aliba dak ajemdaker iba scheme benoka inyakba agency department of Higher Education-i sangdong ka ajanga nüburtem aser kaketshirtem dang, guideline P-12, Sl. No. 6. Note 1: kong “Self-declarations or affidavits of self-assessment of income shall not be accepted” ta shia lir iba indang metetdaktsüogo.

Anungji Academic Session 2025-26 nungi tenzüka Department-i Funding Agency indang iba guideline sülen ajang ajanga anidaktsü, koba Directorate indang website nung angutsü.

Maneni income declaration indang captionk ji “FAMILY INCOME CERTIFICATE” ta asütsüla. ken o dak sendaka alir ajak dang iba temelenshi ya temulungdang ayutsü metetdaktsüogo. State sorkari agizüker aliba osang ya Directorate indang website: www.highereducation. nagaland.gov.in nung angutsü.

Iba tetuyuba sülen manokdakertem indang application magizüktsü, ta kasa sangdong ajanga metetdaktsü.