Niuland Deputy Commisioner-i tekümdangtsü kar metetdaktsü

Dimapur, Chiteni/July 6 (TYO): Taoba anogo ishika tzünglu kanga sashia aruba dak sendakba nung nüburtem kümzüka alitsü atema Niuland DC-i tetuyuba kar agütsüogo.

1. Niuland district kübok ayong aser ayongnutem nung ango khenyongi maputsü
2. Ayong küm nung südosünema kazütepba aser nüngdakba makaba maprentem benoka inyakba ajak tenokdangba agütsüogo, kechiyong ayong nung tzüshi alua aponer aotsü ana nung lir aser ayong nung tzü aika küma yimdar.
3. Ayongküm nung alirtem aser lenden nung alirtem dang tzü tali metsünga atura tenem nung tekümzükba tesem bushia aotsü metetdaktsüogo.
4. Tzü tali yima aliba ayongtem nung ango maputsü merangang, kechiyong ibala inyakyim ajanga nisung ka arakseta asütsü aser lendongi aitsü ana nung toktsür.
5. Tzümetsüng agi kongshir aliba tesemtem nung tzü dak sendakba tashidaktem poktettsü akok, anungji jelia iba tashidak nungi jenboa alitsü asoshi jenjang agitsüla.

Tzünglu kanga sashia aruba aser tzümetsüng aruba ajanga nisung, kiset shiruru aser kiojentem lendong nung toktsür. Anungji lisopur ajak dang tetuyuba sülen anidaktsü aser nisung asüba mesüra kiojen raksaba kar danga atalokra ketdangsürtem nem metetdaktsütsü osang agütsüogo.

Jongkdak mapang item number tem den tongteprateptettsü:

 State Emergency Operation Centre : 1070 (Toll free number) 0370-2291120/22 | State Disaster Response Force (SDRF) 9366819486/7005806182 || DDMA, Niuland: 7005047510.