District Level Youth Festival ayonger

Dimapur, Luroi/August 29 (TYO): District Youth Resources Officer, Kohima, Atoli Yeptho-i sangdong ka ajanga, Kohima aser Tseminyu districts nung Level Youth Festival 2025, “Viksit Bharat @2047 and the Role of the Creator Economy” omen nung ajemdaker amungtsü ta metetdaktsüogo. Benjung mapang sobaliba ken, tsüngsang aser o jembiba tetoktepba alitsü.

Iba tetoktepba nung shilem agitsü jangra aliba kija, club, cultural troupe, college aser higher secondary school tem ajak jaokogo. Iba sentong nung shilem agitsü tejangraba aliba shiti ya September 9 nü tashi nungbo DYRO office nem agütsütsüla, ta kasa sangdong ajanga metetdaktsü.

Osang tejangjaba agitsü atema item number nung tongteprateptsü metetdaktsüogo:

Kohima :     7005869515 / 7005525089

Tseminyu :  8014653998 / 8258898621