Ao Oshi nung Kaketnu “Lenjeter Magazine” Sayaogo

Kohima October 2, 2015 : State Academy Hall nung Ao Kaketshir Telongjem Kohima pur Students’ Day cum General Conference aliba mapang tongti tesemdanger S. I. Jamir, Advisor Urban Development, Govt. of Nagaland ajanga Ao Oshi nung ita shia adoktsüba kaketnu (magazine) ka tenüng agi “Lenjeter Magazine” sayatsüa liasü.
Iba sentong nung Lenjeter Magazine Editor Repalemzung ajanga iba kaket adokba nükjidong tatsü agi yamai shia liasü, “Lenjeter nüngja ya Jungli aser Mongsen ojang temeyoktep ana nungi lutetba lir, ‘Len’ tetezü lenmang kong senso shia pei taküm masü tashi yimyaliba aotsüba aser ‘Jeter’ tetezü ajetba, renemtetba. Pei wadang nung tim teinyaktsütem kechisa lir, itemji mapang shitak nung kokteta jeta aotsüba asoshi lir.”
Iba kaketnu nung ya teti shinük balala nungi ocettem bendena adoktsü, tang adok nung keta alibaji; Pei taküm nung ajangshiba, 2015 UPSC tatidang nung takok angula Kr. Aotula T. Imchen den sensaksemba, Imdangjem otsü, Menüshishi, Tekolok tendangba, Career, Nai metetnübatem asüngdangang, Rishir: Par shisa Mulung, Ao lima school ka indang ano aika lir.
Iba kaketnu ya item tesemtem nung angutsü:
1. Eastern Book Depot (ABAM Book stall) Mokokchung.
2. Classmate Stationary Wholesale Retailer, Changtongya Town.
3. Woodland Handicraft Unit, Opp State Library, Kohima.