25th NSF MM Trophy: Chedema VYO semifinals tongogo

Kohima, Mongputeni/Oct. 10 (TYO): Hokulbarnü Chedema Village Youth Organization-i taoba champions Tangkhul Katamnao Saklong (TKS) madak takok ngua 25 buba NSF Martyrs’ Memorial Trophy semifinals tongogo.

Indira Gandhi Stadium Kohima nung mezüngbuba quarter-final asayaba nung asayar timtiba taa agütsür asayadaktsüba Chedema Village Youth Organization-i 2-1 agi TKS madak takok angu.

Asaya tenzüker minute 11 buba nung Chedema VYO atema mezüngbuba goal ya Robinson-i agütsü aser minute 28 buba nung T. Zimik-i tanabuba goal ya agütsütet.

Manipur nungi adoka asayar TKS telokia kanga meranga asaya aser minute 34 buba nung Rungsing Muinao-i goal ka ya agüja liasü.

Ajisüaka lemon break sülen telok katia alakteta masayateti iba asaya tembang.

Chedema VYO nungi Benjamin nem Player of the Match sempet Tribunal, Angami Students’ Union aser Angami Students’ Union taoba tir Vizokho Zashümo-i agüja liasü.

Iba asaya nung match patron ama Deputy Commissioner, Kohima, B. Henok Buchem dena liasü.

October 11 nikongdang 4:30 ako nungi tanabuba quarter finals ya Red Scars aser Sechü Zubza FC asayatsü.