Chümoukedima DPDB senden menogo

Dimapur, Mongputeni/Oct. 10 (TYO): October ita atema Chümoukedima District Planning & Development Board (DPDB) senden October 10, 2025 nü Deputy Commissioner, Chümoukedima indang Conference Hall nung Advisor, Urban Development & Municipal Affairs aser DPDB Chairman, Zhaleo Rio lenisüba kübok mena liasü.

Senden nung Advisor Rio-i züngsem tem pela agizükba sülen Nagaland nung tzünglu sashia aruba aser tang tashi aruba ajanga ki o jen raksaja lenmang tem nokdanger, alu nunga kongshir, ajisüka District administration, stakeholders temi kanga junga yaritepa arur, ta ashi. Pai parnok dang pelaba lemsatep aser maneni yariteptsü ayongzüka liasü.

Taoba DPDB senden nung lemtetba tem lepa reprangshia senden tenzük aser iba sülen agenda balala benoka jembia liasü.

Iba senden nung board-i Nagaland State Pedal Association; Chumoukedima Two-wheelers Taxi Association; GHSS Singrijan nung Multi-disciplinary courses inoktsü; GHSS Singrijan nung Commerce stream tenzüktsü, Excise Department Office, Chümoukedima yanglutsü aser Sirhi Angami Village nungi Medzhiphema ‘A’ Vallage ta melentsü indang jembia agizüker sorkar dangi abentsü lemtet.

District Agriculture Officer, Moainla Pongen ajanga PowerPoint presentation agütsüba mapang Chümoukedima District kübok RKVY (Rashtriya Krishi Vikas Yojana; Rain fed Area Development (RAD); SMAM (Sub- Mission on Agriculture Mechanization); (POMIC) Per Drop More Crop; Krishonnati Yojana (KY); (ATMA) Agriculture Extension; (NFSNM) National Food Security & Nutrition Mission; (NMEO- OS) National Mission on Edible Oil- Oil seed; (NMEO- OP) National Mission on Edible Oil- Oil Palm; (MOVCD- NER) Mission Organic Value Chain Development for NER; PM- KISAN amala scheme aser inyakyim balala indang lemsatepa liasü.