Kohima nung State Level Science Seminar ayongzük

Kohima, Mongputeni/Oct. 10 (TYO): Directorate of School Education (DoSE) Nagaland ajanga “The Quantum Age Begins: Potentials & Challenges” onük nung ajemdaker State Level Science Seminar ka TM Government Higher Secondary School, Kohima nung Hokulbarnü ayongzüka liasü.

Mt. Hermon Higher Secondary School, Kohima nungi Ejonthung Odyuo-i mezüngbuba jenjang ngutet aser pai state tenüng nung National Level Science Seminar 2025 nung shilem agitsü, koba Bengaluru nung October 30 nü agitsür lir.

EI Beth High School, Kiphire nungi Sadiya Parveen aser Perennial School, Wokha nungi Eliseni C. Yanthan nati tanabuba aser tasembuba jenjang ngua liasü.

Iba sentong nung Shashank Pratap Singh, Principal Director, Directorate of  School Education dena liasü aser Neikezhapfii Dziivichii, PGT (Physics), TM Government  Higher Secondary School, Kohima ajanga seminar omen nung ajemdaker jembi.

Sentong nung Sanino Nakhro, GT (Science), TM Government Higher Secondary School, Kohima menden liasü aser Avino Tase, Deputy Director, Directorate of School Education ajanga pela agizükba o jembi.

Sentong tembanga H. Zhokupa Hoshi, Assistant Programme Officer, Directorate of School Education ajanga melepzüng o jembia liasü.