Dimapur District Hospital nung Digital Health Model Facility lapokogo

Dimapur, November 29 (TYO): Honibarnü District Hospital Dimapur nung End-to-End Digital Health Model Facility ka lapokogo aser iba ya Nagaland nung mezüngbuba lir.

Hospital services digitize asütsü nükjidong nung Ayushman Bharat Digital Mission (ABDM) kübok iba facility ya lapokogo.

“Iba End-to- End Model facility ya modern infrastructure bendenloktsü, digital innovation aser aria bilema anepalutsü atema teranglokdak ka asütsü” ta Commissioner & Secretary, Nagaland & State Mission Director, ABDM, Health & Family Welfare, Anoop Khinchi-i facility lapoktsüdang ashi.

ABDM indang Scan aser Share feature ya temelenshi asoshi hadir ka lir aser iba ajanga shirangertemi parnok indang health record tem doctor tem den kecha tetsükdaktsü makai lemsateptettsü aser iba ajanga tekaratiba nung kanga junga treatment agitettsü ta pai ashi.

Nodal Officer, e-Hospital, Dimapur Dr. Toska Sumi-i tesentepertem pelaa agizüka jembidang facility tasen ajanga DHD nung patient services tajungba akümtsü ta ashi.

National Health Authority (NHA), NIC aser Health Minister Paiwang Konyak lenisüba kübok Department of Health & Family Welfare ajanga iba mapa nung yaritepba atema pelar ta Dr. Toska-isa ashi.

Nagaland nung digital health advancement shilem ka ama District Hospital Dimapur ya ABDM kübok End-to-End Digital Health Model Facility mezüngbuba asütsü shimtetogo. ABHA, Health Facility Registry (HFR), Health Professional Registry (HPR), aser digital health records ama ABDM building blocks ajunga digitize asütsü.

 Scan & Share service ya QR-code based identification aser record-sharing ajanga inyaktsü. Iba ajanga shirangertemi mapang meindoktsü, data entry shitak bendentsü aser OPD registration tajungba akümtsü.