Centre sorkari Hornbill Festival atema PAP agiener

Dimapur, November 29, 2025 (TYO): India sorkari Hornbill Festival nung adeni arurtem asoshi Nagaland nungi Protected Area Regime (PAP) agiena ataba metetdaktsüogo.

November 29, 2025 nü Ministry of Home Affairs-i Nagaland Chief Secretary dangi shidi ka ajanga iba osang metetdaktsüogo.

Nagaland sorkari Centre sorkar dang Hornbill Festival tiptema amungtsü atema PAP agientsü mepishia aru.

November 28, 2025 nü Chief Minister Dr. Neiphiu Rio-ia Union Home Minister dang PAP agientsü mepishia shidi ka zülua liasü. Tesüiba nung State Cabinet-i PAP benokba magizüktsü bangzüng ka renema lir.

Hornbill Festival ya Nagaland nung kanga dang tongtipang sentong ka lir aser taküm agi 26 buba amungtsü. Iba benjung nung India aser bendanglen nungi tourist tem arur.

Ministry of Home Affairs-i iba benjung angateta aser talisa sobaliba lemsatepba aser rongsenketzüng maparen inyakba ajiteta PAP agiena ataba osang metetdaktsüogo.

“26 buba Hornbill Festival nung partner countries 6 aser Nagaland rongsenketzüng nung tourism ajanga tongti shilem agiba angateta lir. Linük kübok tesem balala aser ano bendang linüktem nungi tourist temi Hornbill Festival nung adentsü atema Nagaland semdangi arutsü imlar. Külen Partner Countries-ia iba sentong balala nung shilem agitsü, state sorkari tourism ajungkettsü, senzüsenbongba nung timtem malitsü aser linük den tali sendakteptsü atema PAP agientsü mepishiogo” ta MHA-i züluba shidi nung shia lir.

“Iba jagi India sorkari Nagaland sorkar temepishiba agizüka PAP agiena atar. Iba lemtet ajanga domestic aser international visitors-i teyari angutsü aser Hornbill Festival indang rongsenketzüng aser lokti nükjidongtem yarir” ta MHA-isa ashi.