S. Phangnon Konyak-i Mimkut benjung salem lemsatep

Dimapur, Aenjeti/January 16 (TYO): Nagaland nungi Member of Parliament, Rajya Sabha S. Phangnon Konyak-i Mimkut benjung amungba mapang Kuki nunger adianutem den benjung salem lemsatepogo.

Mimkut benjung ya alu aroba sülen amungba benjung ka lir ta shia MP-i, iba benjung amungba ajanga telongjem tali adokdaktsütsü aser ajak sasümnema alitsü imlatsüba den Kuki nunger takar sobaliba maneni wazüka ayutsü aser ajungkettsü imlaja ataba lemsatep.

Laisa, yimjiyimjung aser tepela nung benjung amungtsü imlatsüba den ajak madak Tsüngrem temaotsü asoshi sarasademja ataba lemsatep.