Congress-i Assam election atema senden amen

Guwahati, January 16, 2026 (Agencies): Congress-i January 16, 2026 nü Assam Assembly elections atema kanga dang tongtipang senden ka menogo.

Iba senden ya Congress president Mallikarjun Kharge’er kidang amen aser Rahul Gandhi aden.

Senden nungsa AICC general secretary (Organisation) K C Venugopal, Assam Congress president Gaurav Gogoi, aser AICC general secretary in-charge of Assam Jitendra Singh nunger denogo.

Maneni, Congress senior observers Bhupesh Baghel taoba Chhattisgarh chief minister aser D K Shivakumar, Karnataka deputy chief minister naprong iba senden nung aden.

Iba senden nung Congress maparen renemba, election atema asalentong, observers aser state unit tsüngda amalitep aser Assam nung sorkar akümtsü atema party-i inyaktsüba onüktem benoka lemsatep.

Züngsem 126 agi akümba Assam Assembly indang election ita ishika tsüngda agitsü. Kerala, Tamil Nadu, Puducherry aser West Bengal den külemi taküm election agitsü.

Congress-i Assam nung ruling BJP den kanga meranga tokteptsü atema nükjidong lir aser election matongdang maparen balala inyaka arudar.