PM Modi-i Assam semdangtsü

Guwahati, January 16, 2026 (Agencies): Prime Minister Narendra Modi-i January 17 aser 18 anogotem West Bengal aser Assam semdangtsü aser idangji rail aser infrastructure projects sayatsütsü.

PM Modi-isa India nung mezüngbuba Vande Bharat Sleeper train service tenzüktsütsü aser iba ya Howrah aser Guwahati tsüngda lir.

PM Modi-i January 17 anüngdang Malda, West Bengal atongtsü aser Malda Town Railway Station nungi Howrah-Guwahati (Kamakhya) Vande Bharat Sleeper Train tenzüktsütsü.

Iba overnight service tasen ya Vande Bharat series ulushiba nung tongti alizüng ka asütsü.

Iba sentong agiba sülen Prime Minister-i Malda nung public sentong ka nung Rs 3,250 crore shi endoka rail aser road infrastructure projects inyaktsü atema lung azünga yutsütsü.

January 18 nü PM Modi Hooghly district kübok Singur-i aotsü aser idakji Rs 830 crore shi alang terenlok mapatong aika sayatsü.

West Bengal aser Assam nung taküm Assembly elections agitsü lir aser PM Modi-i state anaprong nung Amrit Bharat Express trains aser additional LHB-coach services tenzüktsütsü.

Assam nung Modi-i Sarusajai Stadium, Guwahati nung Bodo nunger sobaliba yartsüngsangba sentong ka nung adentsü. Iba sentong nung artistes 10,000 shi adentsü imlar.

Paisa Rs 6,957-crore Kaziranga elevated corridor project atema bhoomi pujan nung adentsü aser video conference ajanga Amrit Bharat Express services tenzüktsütsü.