Nagaland Upa-Lokayukta atema G. H. Ramlia shim

Chief Secretary, Sentiyanger Imchen, IAS, Home Commissioner Abijit Sinha, IAS, Lokayukta, Nino Iralu aser Upa-Lokayukta Khanrila T. Koza nunger Upa-Lokayukta G.H Ramlia den külemi agiba noksa ka angur.

Dimapur, January 16, 2026 (TYO): Nagaland nung taoba State Information Commissioner aser Retired District & Sessions Judge, G. H. Ramlia-i Upa-Lokayukta inyaker.

January 16, 2026 nü Secretariat Conference Hall, Nagaland Civil Secretariat nung Chief Secretary, Sentiyanger Imchen, IAS-i Ramlia nem tezüngzüktep agidaktsüogio.

Iba sentong ya Home Commissioner, Abhijit Sinha, IAS lenisüba kübok agi aser sorkar tongti ketdangsür aika aden.

Nagaland Upa-Lokayukta atema G. H. Ramlia shim added by nungsang on January 17, 2026
View all posts by nungsang →