Assam Rifles-i Thilixu kitsükkirong lendong nung yaritep

Dimapur, January 16, 2026 (TYO): January 16, 2026 nü Chümoukedima district kübok Thilixu Village nung kitsükkirong lendong ka ataloka liasü.

Ajisüaka, iba tesem nung aliba Assam Rifles sepaitemi mapang shitak nung yimdaklirtem den yaritepba ajanga lendong tulu küma moudaktsüi noktangogo.

Lendong atalokba osang angashili Assam Rifles sepaitemi tesem tonga oa yimdaklirtem den yaritepa inyak. Mapang shitak nung inyakba ajanga mi tulu ka jangrua moudaktsüi noktangteta liasü.

Iba mapa ajanga Assam Rifles-i rongdak mapang humanitarian assistance aser disaster response tenangzükba aliba sayur. Iba ajanga Assam Rifles ya security agütsür ka dang masü saka nüngdakba mapang first responder ka lir ta sayuogo.

Yimdaklirtemia Assam Rifles dang mapang shitak nung yaritepba atema pelaba metetdaktsüogo.