SDPDB Bhandari-i Foothill Road tekaraba nung yanglutsü nenshi

Dimapur, January 16, 2026 (TYO): SDPDB Bhandari senden amendang bangdak department dang Nagaland Foothill Road Construction mapang shitak nung tembanga inyaktsü atema shiogo.

Senden nung SDO (R&B) PWD Er. Elithung Ovung-i January 17 nü department-i mapa inyakba reprangdanga senzütsü aser iba sülen January 21 nü Lotha Hoho Foothill Construction Committee aser Department ketdangsürtem külemi joint inspection asütsü osang lemsatepa liasü.

Iba senden nung Additional Deputy Commissioner & Vice Chairman, SDPDB Bhandari, Longasen Lotha-i ketdangsür tasentem pelashishia agizük aser taoba senden onüktem meyipa reprangshia liasü.

EAC Bhandari, Kilangtemsu-i Bhandari nung officers’ club tentettsüba indang tebilemba lemsatep aser Republic Day 2026 benjung atema departmet balala nem mapa lemzüktsü.