CEO-i EVMS aser VVPATS Randomization indang metetdaktsü

Dimapur, Metsüremi/March 21 (TYO): 28 Koridang Assembly Constituency Bye Election dak sendakba nung Chief Electoral Officer, Nagaland-i March 20 nü EVMs aser VVPATs tem Assembly Constituency/Segment nem agütsütsü atema FLC passed EVMs aser VVPATs Randomization mezüngbuba agiba metetdaktsüogo.

EVMs aser VVPATs mezüngbuba Randomization dak sendakba nung tetuyuba tejangja ya Electronic Voting Machine Manual nung shisema lir, koba ECI website: https://-wwwecigovni/evm-vvpat nung angutsü.

Osang ajangsa, Mokokchung district kübok 28- Koridang Assembly Constituency Bye-election nung amshitsü atema mezüngbuba EVIMs aser VVPATs  Randomization ya March 19 nü agia liasü, ta metetdaktsü.

Mezüngbuba EVMs aser VVPATs Randomization ya District Election Officer-i National aser State Political Party tem matsüngdang EVM Management System (EMS) ajanga agia liasü.

Mezüngbuba Randomization sülen Constituency tem nem agütsüba EVMs aser VVPATs list ya National aser State nung agizüka aliba Political Party tem den district headquarters nung lemsateptsü.

Iba sülen EVMs aser NIVPATs ya election nung amshitsü atema Returning Officers Assistant Returning Officers nem agütsütsü. EVMs aser VVPATs tem ya pei pei Assembly Strong Room nung National aser State Political Party tem matsüngdang rezünga ayutsü.

Candidate tem list jangjaba sülen EVMs aser VVPATs tem ya election nung tokteptsü aliba candidate tem den lemsateptsü.