Transport Dept-i number plate nungi temaitsütem agintsü tuyu

Dimapur, Metsüremi/March 21 (TYO): Ministry of Road Transport and Highways-i Central Motor Vehicles Rules, 1989 kübok Rule 50 aser Rule 51ajang ajanga benoktsü atema tetuyuba agütsüba dak ajemdaker, Transport Department-i March 18 nü sangdong ka ajanga sorkar aser nija gari kibur ajak dang registration plate nung temelaba magütsüi aliba wako, emblem, tenüng, temaitsü, stiker, seal, logo ajak osang agütsüba sülen ghonda 45 tsüngda agintsü tetuyuba agütsüogo.

Iba tetuyuba sülen manidakertem anema temzüng ozüng dak ajemdaker jenjang tesashi agitsü, ta kasa sangdong ajangasa metetdaktsüogo.