Longkhum nung I.  Abenjang pelashishia agizük

Dimapur, March 21, 2026 (TYO): Longkhum nungeri 28-Koridang Assembly Constituency by-election nung National People’s Party (NPP) candidate I. Abenjang pelashishia agizükogo.

Honibarnü NPP candidate Abenjang-i par tasoyim Longkhum semdang aser idangji Longkhum Village Council Chairman-i anir yimsüsürtem, taintem, pusemertem aser temeimer aika adenshir pa pelaa agizük.

NPP National Vice President Vevoyi Wideo, NPP National People’s Women Front President Smt. Ane-ii Khaming na den party lennir tejentem aser züngsemtemi Abenjang meina liasü.

“Nübortemi ni pusema nungitba atema pelar. Asenoki meyipa agitsü mapang tongogo aser asenok  mejanga aliba saaktsüla” ta Abenjang-i ashi.

Paisa Koridang constituency ajungtsü, longjemtsü aser tejakleni aotsü atema anibelem arema inyaktsü nangzük.

Abenjang ya bendanga agütsüba lennir ka lir aser pai tebilemtsütem kanga junga angateta lir ta NPP National Vice President Wideo-i ashi.

Longkhum nunger aser Koridang constituency nung alirtemi I. Abenjang pusema nungittsü ayongzüker ta paisa ashi.