Congress-i T Chalukumba nem ticket agütsür

Wb. T. Chalukümba Ao (achijilen nungi tanabuba)  nem Koridang Assembly Constituency by-election nung tokteptsü atema Congress ticket agütsüba sülen Congress lenirtem den agiba noksa ka yangi angur ( March 21,2026).

 Kohima, March 21, 2026 (TYO): 28-Koridang Assembly Constituency by-election atema Congress T Chalukumba Ao nem party ticket agütsüogo.

Nagaland Pradesh Congress Committee (NPCC)-i ashiba sülen All India Congress Committee president Mallikarjun Kharge-i T Chalukumba Ao nem party ticket agütsütsü mulunga agizük.

Honibar nikongdang Congress Bhavan nung NPCC president aser Lok Sabha MP S Supongmeren Jamir-i Chalukumba nem Congress ticket agütsü. Iba mapang NPCC working president ana- Khriedi Theunuo aser C. Apok Jamir na liasü.

Koridang assembly nung April 9 nü by-election agitsü. MLA & Advisor Imkong L. Imchen asüba ajanga by-election agitsüsa akümer.