NPP-i Nuklutoshi nem show cause notice agütsür

Dimapur, March 21, 2026 (TYO): NPP Nagaland Legislative Party Leader, Nuklutoshi Longkumer-i party inyakyim alema inyakba atema National People’s Party (NPP)-i pa nem show-cause notice ka agütsüogo.

28-Koridang by-election atema NPP-i I Abenjang parnok tenüng nung tokteptsü shimtet saka iba ya NPP Nagaland unit-i magizüker.

“MLA Nuklutoshi-i Koridang Assembly by-election nung party-i shimtetba candidate anema jembiogo. NPP MLA ajaki party official lemtettem sülen anidaktsüla” ta NPP National General Secretary (Organisation), Paknga Bage-i ashi.

NPP-i MLA Nuklutoshi nem anogo tenet tsüngda telangzüba agütsütsü mapang züngzüktsüogo.

MLA Nuklutoshi-i iba telangzüba magütsü tashi yimjak nung o mejembitsü mesüra party tetuyuba alema meinyaktsü metetdaktsüogo.