Mokokchung nung temesepba chiyongtsü azüoktsü mera agir

Dimapur, Aami/June 05 (TYO): Temesepba chiyongtsü maliba lokti ka kumdaktsütsü meranga Mokokchung District Administration-i Nasha Mukt Bharat Abhiyan (NMBA) Campaign 2026 atema District Action Plan agizükogo.

Iba ya Union Ministry of Social Justice and Empowerment ajanga linük tesem ajunga nung temesepba chiyongtsütem grassroot level nungi samatsütsü ashiba den lirumedema inyaker.

District nung temesepba chiyongtsü azüoktsü asoshi yimya pezü amshitsü – ozüng alema temesepba mozü shibelenba souttsü atema Supply Crubing Strategy, kanga junga asadanga dependency ajemdaktsütsü asoshi Demand Reduction Report, iba tebilemtsü agi mela-mela meneptsüpur nem angatetdaktsütsü asoshi Outreach & Awareness Programs aser ochishia terenlok asadangtsü atema Monitoring & Documentation.

Iba inyakyim asoshi district ketdangsür aser civil society organizations (CSOs) nem mapang lateter mapa nungloktsüogo. Item stakeholders temi substance abuse networks samatsütsü asoshi inyaktsü.