Municipal Affairs Department-i Waste-to-Resource drive ayongzük

Dimapur, Aami/June 05 (TYO): World Environment Day 2026 nüngtem nung Municipal Affairs Department ajanga Waste-to-Resource Exchange nüngja agütsür sentong ka “Inspired by Nature. For Climate. For Our Future” omen kübok June 5, 2026 nü Secretariat Plaza, Nagaland Civil Secretariat, Kohima nung ayongzüka liasü.

Yimya shidak amshia jana ketdangsüba yimya ajungkettsü aser resource recovery aser recycling ajanga libajen wazüka ayutsü atema nüburtem nem awareness agütsüba tashi itshitsü atema iba sentong ya ayongzüka liasü.

Iba yagi sorkar departments aser kija dang tim yimya nung jana indoktsü aser ‘circular economy’ tsütsüi meyiptsü asoshi ajungmesoa liasü.

Sentong nung shilem ka ama sorkar departments tem pei office nung bendenba e-waste tem sentsü balala waste bins agi melena jana bensatsü aser tim yimya nung indoktsü ajungmesoa liasü.

Kasa mapang nüburtema jaoka tanaben amshitsü akokba plastic jana tem aiben amshitsü akokba shopping bags den melentepa Single Use Plastics temelen amshitsü yimyatem sayua liasü.

Iba sentong nung Secretariat departments, Directorate offices balala den nübur aikati shilem agia liasü. Departments temi air conditioners, batteries, chargers aser tanga electrical oset mamshi aliba densema raksar aliba mesüra mamshiba electronics oset tem benden. Nüburtemia plastic bottles, cosmetic containers aser kidang amshiba recyclables amala osettem bener arua liasü.

Waste-to-Resource Exchange Programme ya Department-i maneni sustainable living aser tarutsü asoshi alima tajungba kumdaktsütsü atema inyaktsü ajungshiba nung shilem ka lir. Iba sentong nung bendenba e-waste tem ya tim yimya nung recycle süa indoktsü asoshi e-CIRCLE nem agütsütsü.