Dimapur Police-i lokti sentong indang nenshir

Dimapur, June 5, 2026 (TYO): Dimapur telongtet nung lokti senden, rally mesüra lungkak aitba sentong agitsü atema tezüluba nung jelia temelaba meshitsüla ta Commissioner of Police, Dimapur-i nenshiogo.

Sensotemi timi adenshitsü aser parnol tebilemba lemsateptsü temeten lir saka kasa mapang public safety, law & order, traffic aser commerce asoshi bilemtsüla ta Dimapur Police-i metetdaktsüogo.

Jelia temelaba memeshii lokti sentong kar danga ayonga agira ibaji ozüngi memelaba sentong ama züngshitsü ta parnokisa ashi.

Talisa, sorkari tetuyuba ama Dimapur Clock Tower nung public sentong kecha agitsü memelar ta Dimapur Police-isa nenshia metetdaktsüogo.