Mokokchung district kübok pension teyari balala agütsütsü

Dimapur, Chiteni/July 10 (TYO): District Welfare Officer, Mokokchung, I. Mangliyangba-i Hokulbarnü sangdong ka nung ashiba agi, State aser National Schemes kübok Old Age Pension, Widow Pension, Disability Pension agizükertem dangi 2025-2026 atema Direct Benefit Transfer (DBT) ajanga item teyari magütsüi alir nem July 15, 2026 nü nungi tenzüka District Welfare Office, Mokokchung nung office mapang agütsütsü.

Tsüngtong maruteter tem asoshi temelaba bener arur temi item teyari agir indang Life Certificate ya pei aliba arogo nung pastor nungi meshia pension Payment Book den külemi bener arutsüla.

Sür aliba Beneficiaries atema temelaba agüja aliba nisungi Death Certificate den pension Payment Book aser Village/ Ward Council Chairman nungi Authorization Certificate bener arua pension teyari agizüktsüla, ta ashi.