India-i Egypt dang nungi piaz ton 18,000 alizükogo

New Delhi, October 03 (Agencies): India linük nung piaz agi kanga anünga seret ka nung sen 60-70 agi yoktepba mapang tesüiba ita ana tsüngda India-i Egypt linük dang nungi ton 18,000 (seret lakh 180) alizükogo.

Egypt nung tsünütetba piaz ji India nung aliba piaz dang nungi kanga agi temeremba aser item piaz ji tesüiba hopta ishika Egypt linük nungi belendagi.

Egypt ketdangsertem sangdong ka ajanga ashiba agi, August aser September ita na tsüngda India-i Egypt dang nungi piaz ton 18,000 alizükogo.

2014-15 küm India-i Egypt dang nungi ton 567 alizüka liasü, ajisüaka takümbo ton 35,000 ajungtsüa akok.

Piaz tsünütetba state tem nung anojungi tzünglu aruba ajanga India nung piaz agi kanga anünger, iba den külemi shishilembartemi piaz rizünga ayuba osanga lir.

Linük nung piaz agi anüngba tebilemtsü atema India-i Egypt aser Afghanistan linük dang nungi piaz alizüka arudagi.

2013-2014 küm India-i Egypt dang nungi piaz ton 314 alizüka liasü, saka 2012-13 kümbo malizük. India-i naring-a Egypt linük dang nungisa alizüker.