IDAN-i maparen ana tenzüktsüogo

Dimapur, October 9, 2026 (TYO): Investment & Development Authority of Nagaland (IDAN)-i October 9 nü sentong ka agidang Basic Life Support (BLS) ambulances pezü tashi sayaogo.

Iba sentong ya Integrated Business Hub & Innovation Centre (IBH & IC), Forest Colony, Dimapur nung agi aser Indian Oil Corporation Limited (IOCL)-i teyari agüja ambulance pezü sayatsü. Maneni, iba sentong nungsa Pungro, Kiphire district kübok Thanamir village nung Apple Cider Vinegar (ACV) Processing Unit ka agütsü.

Maparen balala ya emergency healthcare delivery, promote agricultural value addition aser sustainable livelihood opportunities atema lir.

Nagaland Governor Nand Kishore Yadav-i o jembidang IDAN, IOCL, bangdak departments aser sendaktepa alir ajak nem tenüngsang agütsü.

Maparen anaprong ya Nagaland nung taküm jenjang tajungba kümdaktsütsü aser ajak asoshi terenlok atema lir. Ambulance ajanga emergency healthcare nung yaritsü aser processing unit ajanga entrepreneurship, value addition aser livelihood generation atema maongkatem agütsütsü ta pai ashi.

IOCL-i emergency healthcare pusema nungitba atema tenüngsang agütsür. Nagaland nung tenemkong aliba, nisung tesem balala nung prokshia aliba aser yimtsüngtem o healthcare rejutem tsüngda tepila kanga aliba ajanga mapang shitak nung teyaritsü tim mangur. BLS ambulances ajanga emergency response tashi aittsü aser meta talang nungi shirangertem mapang shitak nung anir senzütettsü ta Governor Yadav-i ashi.

Corporate Social Responsibility (CSR) ya kanga tongtipang lir aser iba mapa ajanga tanga public aser private sector organizations-ia sorkar nungita yaritsü ajungmesotsü imlar ta paisa shisem.

Thanamir nung ACV Processing Unit ajanga processing, packaging, branding aser market development maparen inyaka otettsü ta Governor Yadav-isa ashi.

Governor Yadav-isa maparen anati human aser economic development nung kati ka yariteper ta ashi.

“Sorkar, corporate institutions aser nübortem tsüngda amalitep tajungba alitsüla aser rongsenketzüng ainba den teküpoktiba jenjang tashi terenlok mapatem atongtsüla” ta  Advisor to the Chief Minister & IDAN Chairman Abu Metha-i ashi.

“IOCL-i tesüiba küm ishika tsüngda Nagaland nung CSR activities atema Rs. 3.5 crore tema endokogo aser maneni inyaktsü bushir. IOCL-i Nagaland nung Rs. 300 Crore tema endoka parnok facilities tajungba akümba atema tenüngsang agütsür” ta pai ashi.