Dr. T. Ao Trophy Inter-District Football Championship küm 25 ajunger

Dimapur, Mongputeni/Oct. 09 (TYO): Nagaland Football Association (NFA)-i Organizing Committee den lungjemer Mokokchung District Football Association (MDFA) ajanga ayongba Dr. T. Ao Trophy 25th Inter-District Football Championship asayamung October 13, 2026 nü Renpo Lu Sports Complex, Ungma, Mokokchung nung tenzüktsü.

Nagaland Chief Minister Dr. Neiphiu Rio-i Silver Jubilee benjongmung nung shilem ka ama iba anogo nikongdang 3:00 ako nung virtual yimya nung Jubilee Monolith sayatsütsü.

Iba asayamung tenzükba sentong ya nikongdang 4:00 ako nungi alitsü, kong sentong akhumdong ama Minister, Housing and Mechanical Engineering, Government of Nagaland, P. Bashangmongba Chang adentsü.

Sentong nung Speaker, Nagaland Legislative Assembly, Sharingain Longkumer tetushi tesemdanger asütsü aser Advisor, Sericulture & Minority Affairs, Government of Nagaland, Imkongmar Chief Host asütsü.

Nagaland Football Association aser Mokokchung District Football Association ajanga football jangrar aser nüburtem dang iba asayamung tenzükba sentong nung dena iba asayamung 25 buba benjong nung adentsü ayongzükogo.