Nagaland nung RAMP targets alema inyaktetogo

Dimapur, Mongputeni/Oct. 30 (TYO): Nagaland nung Raising and Accelerating MSME Performance (RAMP) Scheme kübok inyakba Udyam Registration aser FSSAI Registratoon and Licensing interventions nung nükjidong ayuba alemogo.

Iba scheme ya Department of Industries and Commerce ajanga Nagaland Industrial Development Corporation Ltd. (NIDC) den teka amteper inyaka Udyam registration nükjidong 12,800 ayuba nungi 13,676 register asü aser FSSAI registration and licences nükjidong 3,000 ayuba nungi 3,423 agia State nung aliba district 17 prongla nung teyari agütsü.

Udyam intervention kübok State indang registration target shilem 106.8 shi takok nguogo. FSSAI intervention nunga target takok anguba ya shilem 114.1 shi alitsü.

Iba den FSSAI intervention kübok temsüa aliba beneficiaries 3,051 nem sen 57 lakh meyiptsüogo, anungji chiyongtsü business registration aser licensing dak sendakba nung senotsü tebilemtsü ajemba nung yarir. FSSAI registrations and licences nungya basic registration 3,321 aser State licences 102 alitsü.

Item maparen ya District Industry Centres ajanga Department of Health & Family Welfare, Nagaland State Rural Livelihoods Mission (NSRLM) aser Women Entrepreneurs Network of Nagaland (WENN) teyari nung inyaka liasü. Yamaji lungjemer inyakba ajanga State tesem ajungalen enterprises aser Food Business Operators tem ayimjemtet.

Udyam registration nung tetsür shilem 48 aser FSSAI intervention kübok beneficiaries shilem 73.07 aitsü, anungji Nagaland nung enterprise formalization aser food business sector nung parnoki shilem agiba ajiteter.

RAMP Scheme ya World Bank-i yariba Government of India indang Central Sector Scheme ka lir aser finance aser markets amshiba tajungba kumdakja micro, small aser medium enterprises toktepba tashi itshidaktsütsü, institution tashi itshidaktsütsü aser enterprise renlokba nung yaritsü nükjidong lir.

Udyam aser FSSAI interventions ajanga enterprise formalisation nung yarir aser food businesses tem applicable registration aser licensing requirements nunga yarir.