Tuensang nung yimjung atema kenten sentong ka agi

Dimapur, October 4 (TYO) : October 3, 2015 nü parade ground Tuensang nung 3rd NAP battalion-i yimjung aser azükaru osang prokshitsü atema kenten sentong ka ayongzüka agi.
Iba sentong nung tongti tesemdangerji Tuensang Deputy Commissioner, Alem Jongshi liasü aser DIG 23rd AR, Commandant 23rd AR, District Officers, arogo balala nung sannükertem den Tuensang nung alir aika aden.
Tuensang DC, Alem Jongshi-i tesentepertem dang pei taküm nung yimjung lidaktsütsü aser ibaji ajanga lokti nung yimjung adokdaktsütsü ta tayongzüba agütsü.
Kenten sentong tetenzük nung Tuensang nung aliba kin pezü nungi nisungtemi “Peace I leave with you” omen nung shilem agi. Sentong nungsa 3 corner stone, 3rd NAP battalion aser Mokokchung nungi Shilubenla & sisters nungertemi shilem agi.