Assam nung telungpur 9 apu

Guwahati, October 04 (Agencies): Honibar nü state tesem balala nung India army aser Assam Police na senteper telungpur mita aoba mapang telungpur telok balala nungi züngsem tuku puogo.
Deobar nü Defence PRO, Lt Col Suneet Newton-i ashiba agi, Kokrajhar district nung telungpur mita aoba mapang Myanmar nung training agiba National Democratic Front of Boroland (Songbijit) telungpur ka apu, aser pa ket nungi pistol ka den injang puogo. Pa tenüngji Bikash Borgayari lir ta jangjaogo.
Ano tanga operation ka nung Kokrajhar, Guwabari tesem nung Muslim Tiger Force of Assam (MTFA) kiralongrar pongu puogo. Parnokji Aminur Islam, Nijam Ali, Ainuddin Mondol, Najir Hussain aser Nur Hussain nunger lir ta jangjaogo aser parnok ket nungi rifle pongu den injang aika nguogo.
“Maneni army aser police na senteper Golapara district nung telungpur mita aoba mapang Honibar nü Garo National Libertaion Army (GNLA) telungpur asem puogo. Parnokji Cheg Cheng Marak, Lahen Marak aser Singsi Rbat nunger lir ta jangjaogo. Parnok ket nungi pistol aser injang kar ngutetogo,” ta Lt Col Newton-isa shi.