SAPO & SAYO-I Mao nunger noktangba agiena atar

Dimapur, June 9 (TYO): Mao aser SAPO tsüngda mepetmesü adoka aliba onük atema Naga Hoho Speaker, Medoselhou Keretsü den Federal unit, Angami Public Organization (APO) nungertemi Southern Angami PublicOrganization (SAPO) aser Southern Angami Youth Organization (SAYO) den rongdak senden ka agiogo.

Naga Hoho-i SAPO aser SAYO dang Mao Council den tangatettep kati maru tashi Mao nunger dang Vacation/Evacuation Notice agütsüba agiena atatsü atemamepishi aser ibaji SAPO o SAYO nati agizüka parnoki Mao nunger anema mapa meinyaktsü ta nangzükba atema kanga pelar, ta Chitho Nyusou, Secretary Administration, Naga Hoho-I sangdong ka ajanga metetdaktsüogo.

Iba senden ya APO building nung agi aser APO tir Dr. Vilhousa Seleyi-i anir ketdangpurtem matsüngdang SAPO aser SAYO-i iba tenangzükba agiba atema tenüngsang agütsür, ta Naga Hoho-isa metetdaktsüogo.

Naga Hoho-i Naga nunger sobaliba nung aliba ama Naga nunger adianu ana tsüngda mepetmesü angatettepdaktsütsü asoshi meranga inyaktsü anungji Mao nungertemaser kaketshirtemi metsübui atatsü mepishir, ta Chitho Nyusou-isa metetdaktsü.