China Open: Nadal o Djokovic nati takok angu

Beijing, October 06 (Agencies): Spain nunger tennis asayar mongin, Rafael Nadal aser tebur tennis asayar rong nung temaba jenjang nung alisang, Serbia nunger Novak Djokovic nati tang Beijing nung tasayadak China Open tebur singles shilem indang 2 buba round asayatsü jenjang tanü Mongolbar nü nguogo.
Nadal-i tanü minute 86 nung points 6-4, 6-4 ngua 230 buba jenjang nung alisang, China nunger Wu Di madak takok angu.
2015 US Open asayamong 3 buba round nung tamakok ajuruba sülen tan mezüngsüa shilem agisang, arishi küm 29 tain Nadal-i Canada nunger Vasek Pospil den 2 buba round nung ajuruteptsü.
Tawa US Open tebur singles shilem indang takok marok agizüka Grand Slam 10 buba agizüker akümsang, Djokovic-ia tanü minute 71 nung points 6-1, 6-1 ngua Italy nunger Simone Bolelli madak takok ngua liasü.