Oct. 14 nü Nagaland nung pharmacy tem melapoktsü

Kohima, Oct. 9 (TYO): All India Organisation of Chemist & druggist (AIOCD)-i ayongba ‘All India bandh’ den yaritepa October 14 nü Nagaland nunga pharmacy tem melapoktsü, ta Nagaland Medicine Dealers Association (NMDA)-i sangdong ka ajanga metetdaktsüogo.
Iba sangdong nung NMDA President Ato Yepthomi-i, October 14 nü anepdang 6:00 ako nungi nikongdang 6:00 ako tashi mozü ayokdak ajak shibangtsü, ta metetdaktsü.
Ajisüaka iba anogo nung koda masüba teyari nüngdakertem asoshi district headquarter tem nung pharmacy ka mesüra ana akhi ama lapoktsü asoshi tetuyuba agütsütsü, ta NMDA sangdong nung shia lir.
District shia nung NMDA telentem nung Tir aser Tongti Tezülur tem dang iba anogo nung tetuyuba agütsüba ama amungtsü association-i metetdaktsüogo.
Iba anogo nung bandh ajanga nüburtem timtemdaktsüba atema sasa bilemtsür, ta NMDA-i sangdong ajanga shisem.