India-i goal 3-2 agi N Zealand madak 3 buba series asaya akoker

Christchurch, October 09 (Agencies): India’er hockey teloki goal 3-2 agi New Zealand madak takok ngua tang tasayadak Hockey Test Series asaya 3 buba tanü Hokolbar nü kokogo.
Tanü asaya tenzüker minute 10 buba nung India-i penalty corner maongka ngua, Rupinder Pal Singh-i goal 1 agüja par India telok temaba jenjang nung ajungkettsü.
Ajisüaka, N Zealand telokia minute 22 buba nung goal 1 agütsüba yong par telok anaprongla kasa jenjang kümdaktsü.
Tesülen, minute 41 buba nung Ramandeep Singh-i külem asayar, Akashdeep Singh-i yanglutsüba pass ball agizüka India asoshi goal 1 agütsüba yong India-i maneni jenjang tajungba ngua liasü.
Steve Edwards-i minute 52 buba nung par N Zealand telok asoshi goal 1 agütsüba yong telok anati manei kasa jenjang angu.
Tatem nung Dharamvir Singh-i minute 60 buba nung goal 1 agütsüba yong India-i goal 3-2 agi N Zealand telok madak takok angu.
India-i tanü akokba sülen points 2-1 agi N Zealand den temaba jenjang ngua lir.