Centre-i North East nung NSD lapoktsü

Shillong, October 10 (Agencies) : Northeast nung National School of Drama (NSD) indang regional centre ka lapoktsü atema mapa inyakdar, ta osang ka ajanga metetdaktsü.
Iba osang ya Rajya Sabha Committee on Government Assurances-i Meghalaya sorkar nem sangoktsü.
Meghalaya chief secretary PBO Warjri-i anir state sorkar ketdangsertemi Rajya Sabha Committee den ajurutepa senden ka alidang National School of Drama (NSD) indang regional centre lapoktsüba osang metetdaktsü.
“Northeastern state mashi ka nung NSD lapoktsü ta Rajya Sabha Committee-i onok dang ashi. Ajisüaka parnoki iba centre ji kong lapoktsüar mashi” ta ketdangser kati ashi.
Iba senden nungsa Meghalaya ketdangsertemi par state nung film institute ka lapoktsü tebilemba lemsatep. Meghalaya sorkari academy for visual arts ka lapoktsü sentong lir aser iba dak sendakba nung detailed project report (DPR) ka renemdar, ta ketdangsertemisa ashi.