NSCN (K) pur ket nungi AR-i tanurtem kümzük

Peren, Oct. 12 : NSCN-K teloki taküm küm August ita nung Peren district nung asangur chanu asem kangshia anir orr Myanmar nung parnok training agidak lidaktsü. Parnok rongnung kabo ano tanur dang liasü. Item tanur asem dangji NSCN-K nung inyaker ana, Seiminthang Kuki aser Lamang Kipgen nati Dimapur nung mapa bushitsütsü ta tiyazü shir anir ao ta angazüker.
Item tanurtemji ano tamajungba tiai maidang, 18 Assam Rifles nung inyaker sepaitemi kümzük, ta Assam Rifle osang ajangasa metetdaktsü.
Item tebur chanu asemji ki tonga aruogo aser parnoki Assam Rifles dang pelaba metetdaktsüogo.
Ajisüaka, 18 Assam Rifles purtemi tanur pua bener aoer NSCN(K) pur ana tenüng agi, Seiminthang Kuki o Lamang Kipgen na bushi tenzükogo aser tenaji putettsüsa nisung kari dang osang agütsüra pa/la nemji senpet sen lakh 2 Commandant 18 Assam Rifles-i agütsütsü nangzüka lir.