Kohima nung ‘Child Sexual Abuse’ indang sentong agi

Dimapur, October 14 (TYO) : October 14, 2015 nü SIRD conference hall, Kohima nung Child Sexual Abuse nung takoksa ajururtem yaritsü indang workshop ka ayongzüka agi.
Iba sentong nung State Commissioner for Protection of Child Rights Chairperson, Meilemla Pongener-i Nagaland nung Child Sexual Abuse indang osang metetdaktsü.
India nung tetsür aser tanurtem lendong nung kümzüka aliba tesemtem rongnung Nagaland dena lir. Ajisüaka tanur dak tashiyim mapa inyakba tatalokba aiben miimbanger. Anungji tanur dak tashiyim amshiba inyakyim anema nübortem longjemer noktaktsüla, ta laisa ashi.
Tanü agiba workshop nung o jembirtemji Co-ordinator ARZ Goa, Juliana Lohar, Senior Programe Manager ARZ Goa, Vijayashree Irraker aser Director, Goa Institute of counseling, Clifford De Selva nungertem liasü.
Iba sentong tang mezüngbuba atema Nagaland nung ayongzüka agi aser State Commissioner for Protection of Child Rights Chairperson, Meilemla Pongener-i tenzüktsü.
Sentong nung onirji State Co-ordinator, SRCW, Gracy Aye liasü, Mission Director, SRCW, Daisy Mezhür-i tesentepertem pela agizük aser NSCWB, Chairperson Bano Vinito-i okila jembi.