John Abraham Budapest nung temokok operation agiogo

October 15, 2015: Brihostibar nü Bollywood actor John Abraham-i pa taoba hopta temokok operation agiogo aser pa tajungba lir ta metetdaktsüogo.

Abhinay Deo indang ‘Force 2’ film tangokba mapang John yirua liasü aser doctor temi pa dang khenpiga yipten nung anisüngzüktsü tuyuogo.

John iba film anogo 50 tangoktsü atema Budapest nung liasü, ajisüaka taoba hopta pa temokok yirua liasü.’Doctor temi pa dang anisüngzüktsü tuyu, saka John-i maneni film tangokba ajanga pa tamajungba akum, iba yongji pa temokok nung azü atsüngba intoktsü atema operation agitsüsa akum.

Iba dak sentakba nung tamalen Vipul Shah-i, “Onok iba film indang action sequence ka tangoka liasü, iba shilem nungji John-i kishi ka nungpoktsü nüngdaker. Pai kishiji nungpoktet saka pai tera sashia anungba ajanga temekok yiru. Iba ama ya ataloktsü ta onok shingaia meimla. Iba sülen John ilonga mozü kidangi anir ao. Azü atsüngba ajanga ibaji intoktsüsa akum,” ta ashi.

Tanü John-i Facebook nung noksa ka sayaba den külemi pai, “Nenok sarasadem asoshi nenok ajak dang pelar! Anogo shia tajungba kümdar aser kobi melii film tangok tenzüktsü,” ta ashi.