Welsh nunger actor Richard Davies süogo

October 16, 2015: Welsh nunger actor Richard Davies arishi küm 89 nung süogo.

Actor tejen, Davies ya October 8 nü asü ajisüaka World Entertainment News Network (WENN)-i osangbenertem den ajurutepdang osang tejangja kecha mongutet.

Pa film nung shilem agiba mapang 1964 küm Zulu film nung Sir Michael Caine den külemi shilem agia liasü. Iba sülen 1972 küm ‘Under Milk Wood’ film nung Richard Burton aser Dame Elizabeth Taylor nunger den külemi shilem agi.

Aji dang masü saka pai U.K. TV series ‘Please sir!’ nunga shilem agi. Iba series ya 1960 küm nungi tenzüka UK TV nung sayutsü tenzüka.

Iba dak alaka Davies-i ano Doctor Who & Fawlty Towers, Yes, Minister, Z-Cars, One Foot in the Grave, 2point4 Children aser Coronation Street film tem shilem agia lir.